Зулфияхонимнинг 110-йиллиги кенг нишонланди

1-март – Ўзбекистон халқ шоири Зулфия Исроилова таваллуд топган кун юртимизда ҳар йили кенг нишонланади. 

Бугун пойтахтимиздаги Адиблар хиёбонида Оила ва хотин-қизлар қўмитаси томонидан шоира таваллудининг 110-йиллиги муносабати билан маънавий-маърифий тадбир ташкил этилди. 

Тадбирда давлат органлари ва ташкилотлари, кенг жамоатчилик вакиллари, ижодкорлар, талаба-ёшлар, жумладан, “Ўзкимёсаноат” АЖ ҳамда тармоқ корхоналарининг ходималари иштирок этишди. 

Маънавий-маърифий тадбирда  Зулфия  ижодининг ҳозирги кундаги аҳамияти, унинг жаҳон адабиётида тутган ўрни ҳақида сўз борди. Ижодкор ёшлар томонидан шеър ва куй-қўшиқлар ижро этилди. 

“Ўзкимёсаноат” АЖ жамоаси ҳам ушбу маънавий-маърифий тадбирда фаол иштирок этди. Зулфия Исроилова ҳайкали пойига гулчамбарлар қўйилиб, шоира хотирасига ҳурмат бажо келтирилди. 

“Ўзкимёсаноат” АЖ Матбуот хизмати