Хитой 2027-йил учун минерал ўғитлар импорти квоталарини белгилади

Хитойда минерал ўғитлар импорти бўйича тариф квоталари ҳамда уларни тақсимлаш тартиби белгиланди. Умумий ҳисобда Хитой корхоналари 13,65 млн тонна минерал ўғит импорт қилишлари мумкин.

Ушбу ҳажмнинг

• 3,3 млн тоннаси — карбамид,
• 6,9 млн тоннаси — диаммонийфосфат
• 3,45 млн тоннаси эса комплекс ўғитлар ҳиссасига тўғри келади.

Квоталар қуйидагича тақсимланади:

Sinochem Group ва China National Agricultural Means of Production Group Corporation давлат компаниялари — уларга 2,97 млн тонна карбамид, 3,52 млн тонна ДАП ва 1,76 млн тонна комплекс ўғитлар импорти учун квота ажратилди.

Нодавлат корхоналар — улар 330 минг тонна карбамид, 3,38 млн тонна ДАП ва 1,69 млн тонна комплекс ўғитларни импорт қилишлари мумкин.

2027-йил учун белгиланган квоталар доирасидаги минерал ўғитлар ҳажми 2026-йилда белгиланган умумий миқдорга тенг.