Фарғонада саноат кооперацияси ва инвестиция лойиҳаларига бағишланган панел сессияси ўтказилди

Бугун Фарғона шаҳридаги “Fergana Expo” мажмуасида “Саноат кооперацияси ва инвестиция лойиҳалари: иқтисодий ўсишнинг янги нуқталари” мавзусида панел сессияси бўлиб ўтди.

Тадбирда Ўзбекистон ва Россиянинг саноат, инвестиция, инновация ва кооперация соҳаларига масъул ташкилотлари, йирик компаниялар ҳамда экспертлар иштирок этди.

Панел сессиясида “Ўзкимёсаноат” АЖ бошқарув раиси иштирок этиб, тадбирнинг асосий спикерларидан бири сифатида сўзга чиқди. Саноат кооперациясини ривожлантириш, инвестиция лойиҳаларини амалга ошириш, янги ишлаб чиқариш қувватларини ташкил этиш ҳамда Ўзбекистон ва Россия корхоналари ўртасидаги ҳамкорликни кенгайтириш масалалари муҳокама қилинди.

Шунингдек, панел сессиясида Томск вилояти Ҳукумати раиси ўринбосари, Красноярск ўлкаси саноат ва савдо вазири, Саноат кооперацияси ва давлат харидлари агентлиги, Енгил саноатни ривожлантириш агентлиги ва бошқа ташкилотлар вакиллари, шунингдек, йирик компаниялар раҳбарлари ва экспертлар қатнашишди.

Тадбирнинг очиқ мулоқот қисмида иштирокчилар томонидан саноат кооперацияси ва янги инвестиция имкониятларини кенгайтириш бўйича фикр ва таклифлар билдирилди.
Панел сессияси саноат тармоқлари ўртасида ўзаро манфаатли ҳамкорликни мустаҳкамлаш ва янги иқтисодий ўсиш нуқталарини шакллантиришга қаратилди.