“Oʻzkimyosanoat” aksiyadorlik jamiyati aksiyadorlarining navbatdan tashqari umumiy yigʻilishi 2025-yil 23-dekabr kuni oʻtkaziladi

“OʻZKIMYOSANOAT” AKSIYADORLIK JAMIYATI
AKSIYADORLARI DIQQATIGA!

“Oʻzkimyosanoat” aksiyadorlik jamiyati aksiyadorlarining navbatdan tashqari umumiy yigʻilishi 2025-yil 23-dekabr kuni soat 15:00 da Toshkent shahri Navoiy koʻchasi, 38-uy (“Oʻzkimyosanoat” AJ maʼmuriy binosi)da oʻtkaziladi.
Umumiy yigʻilish qatnashchilarini roʻyxatga olish 2025-yil 23-dekabr kuni soat 14:00 da boshlanib, soat 15:00 gacha davom etadi.

KUN TARTIBI:
1. “Oʻzkimyosanoat” AJ aksiyadorlarining navbatdan tashqari umumiy yigʻilishi sanoq komissiyasi aʼzolari soni va shaxsiy tarkibini tasdiqlash.
2. “Oʻzkimyosanoat” AJ aksiyadorlarining navbatdan tashqari umumiy yigʻilishi reglamentini tasdiqlash.
3. “Oʻzkimyosanoat” AJning yangi tashkiliy tuzilmasini tasdiqlash.
4. “Oʻzkimyosanoat” AJ ustaviga oʻzgartirish kiritish orqali uni yangi tahrirda tasdiqlash hamda jamiyatning yangi tahrirdagi “Ijroiya organi toʻgʻrisida”gi nizomini tasdiqlash.
5. “Oʻzkimyosanoat” AJ va uning tizimidagi korxonalarning 2024-yil 31-dekabrda yakunlangan yillik konsolidatsiyalashgan moliyaviy hisobotlarining Moliyaviy hisobotlar xalqaro standartlariga muvofiq (MHXS) auditi boʻyicha “KPMG” kompaniyasining auditorlik xulosasini koʻrib chiqish.
6. “Oʻzkimyosanoat” AJ kuzatuv kengashi aʼzolarining javobgarligini sugʻurta qilish tartibi toʻgʻrisidagi nizomni tasdiqlash.

Umumiy yigʻilish oʻtkazilishi haqida xabar qilish uchun aksiyadorlar reestri 2025-yil 28-noyabr holatiga hamda umumiy yigʻilishda qatnashish huquqiga ega aksiyadorlar reestri 2025-yil 17-dekabr holatiga shakllantiriladi.
Umumiy yigʻilishda ishtirok etish uchun aksiyadorlar oʻzi bilan pasport, aksiyadorlar vakillari esa – Oʻzbekiston Respublikasi qonunchiligi talablariga muvofiq rasmiylashtirilgan ishonchnoma bilan qatnashishlari soʻraladi.
Umumiy yigʻilishni oʻtkazishga tayyorgarlik koʻrilayotganda aksiyadorlarga taqdim etilishi lozim boʻlgan axborot (materiallar) bilan tanishish uchun quyidagi manzil va telefon raqamlariga murojaat qilishingiz mumkin: Toshkent shahri Navoiy koʻchasi, 38-uy, telefon: +(99878) 140-74-97, 140-74-98. E-mail: info@uks.uz

“Oʻzkimyosanoat” AJ kuzatuv kengashi