Ma’lumotlarga ko‘ra, dunyodagi qariyb 200 ta mamlakatdan atigi 15 tasida azotli, fosforli va kaliyli mineral o‘g‘itlarning barcha turlari ishlab chiqariladi.

O‘zbekiston ana shunday davlatlar qatoriga kiradi. Markaziy Osiyoda esa ushbu uch turdagi mineral o‘g‘itlarni to‘liq ishlab chiqarayotgan yagona mamlakat hisoblanadi.

2025 yil yakuniga ko‘ra, mamlakatda 3,56 mln tonna mineral o‘g‘it ishlab chiqarildi. Uning 2,59 mln tonnasi qishloq xo‘jaligi tarmog‘iga yetkazib berildi.

Fermerlar uchun yanada qulay shart-sharoit yaratish maqsadida mineral o‘g‘itlar birja savdolari orqali 10 foizgacha arzon narxlarda taklif etilmoqda. Respublika bo‘ylab tashkil etilgan zamonaviy omborlar tizimi esa mahsulotlarni tez va samarali yetkazib berish imkonini bermoqda. Bugun ortish va yuklash jarayonlari raqamlashtirilgan bo‘lib, barcha mahsulotlar ISO 9001 standarti talablari asosida ishlab chiqarilmoqda.

2026 yilda esa 3,63 mln tonna mineral o‘g‘it ishlab chiqarish rejalashtirilgan.
 

“Oʻzkimyosanoat” AJ Boshqaruvi raisi Xitoyning yirik investitsiya-qurilish korporatsiyalaridan biri — “China State Construction Engineering Corporation” (CSCEC) kompaniyasi prezidenti yordamchisi, shuningdek, China Construction Fifth Engineering Division direktorlar kengashi raisi Tyan Veygo boshchiligidagi delegatsiya bilan uchrashuv oʻtkazdi

Uchrashuv davomida tomonlar kimyo sanoatida oʻzaro manfaatli hamkorlikni rivojlantirish, zamonaviy texnologiyalarni joriy etish hamda qoʻshma investitsiya loyihalarini amalga oshirish imkoniyatlarini muhokama qildilar. Muloqot chogʻida sanoat infratuzilmasini modernizatsiya qilish, yangi ishlab chiqarish quvvatlarini tashkil etish va istiqbolli loyihalarni amalga oshirishda xalqaro tajribadan samarali foydalanish masalalariga alohida eʼtibor qaratildi.

Maʼlumot uchun, China State Construction Engineering Corporation (CSCEC) — Xitoy Xalq Respublikasi hukumati boshqaruvi ostida faoliyat yurituvchi dunyodagi eng yirik investitsiya-qurilish konglomerati hisoblanadi. Kompaniya Xitoydagi yirik infratuzilma obyektlari hamda global “Bir makon, bir yoʻl” tashabbusi doirasida amalga oshirilayotgan xalqaro loyihalarning asosiy ijrochilaridan biri sifatida tanilgan.

Uchrashuv yakunlari boʻyicha tomonlar oʻzaro hamkorlikni yanada kengaytirish va kelgusida aniq amaliy loyihalarni birgalikda ishlab chiqishga qiziqish bildirdilar.
 

Tadbir davomida faxriylar o‘zlarining boy hayotiy tajribalari, mehnat faoliyati va Vatanga sadoqat haqidagi xotiralari bilan o‘rtoqlashib, yosh avlodga ibrat bo‘ladigan muhim saboqlarni ulashdilar. Samimiy ruhda oʻtgan uchrashuv avlodlar o‘rtasidagi ma’naviy bog‘liqlikni mustahkamlash, keksa avlodga hurmat-ehtirom ko‘rsatish hamda xotira va qadrlash qadriyatlarini keng targ‘ib etishga xizmat qildi.

“Dehqonobod kaliy zavodi” AJ Matbuot xizmati

“Oʻzkimyosanoat” AJ tizimida davlat xaridlarining ochiqligi va shaffofligini taʼminlash, shuningdek korrupsiyaviy xavflarni oldini olish borasida tizimli ishlar amalga oshirilmoqda.

Jamiyatning Korrupsiyaga qarshi kurashish va komplayens boshqarmasi vakillari tomonidan “Maxam-Chirchiq” AJda davlat xaridlarini amalga oshirishga masʼul xodimlar ishtirokida amaliy uchrashuv oʻtkazildi.

Uchrashuv davomida jamiyatda amalga oshirilayotgan davlat xaridlarining bugungi holati tahlil qilinib, mavjud muammo va kamchiliklar muhokama qilindi. Shuningdek, davlat xaridlari sohasida qabul qilingan yangi qonunchilik talablarini amaliyotga toʻgʻri tatbiq etish, xarid jarayonlarining qonuniyligi va shaffofligini taʼminlash yuzasidan tegishli tavsiyalar bildirildi.

Tadbirda ishtirokchilarga davlat xaridlarida manfaatlar toʻqnashuvini oldini olish, raqobat muhitini taʼminlash, elektron xarid tizimlaridan samarali foydalanish hamda korrupsiyaviy xavflarni bartaraf etish boʻyicha tushuntirishlar berildi.
 

“Uch avlod uchrashuvi” samimiy muloqot bilan davom etdi. Tadbirda mehnat faxriylari va nuroniylar o‘zlarining hayot yo‘li, mehnat faoliyati hamda tajribalari haqida ma’lumot berishdi.

Korxona mutasaddilari bugungi kunda “Navoiyazot” AJda amalga oshirilayotgan ishlar xususida soʻz yuritdilar. Yoshlar esa bu kabi uchrashuvlar ularni Vatanga sadoqat, kasbga mehr va yurt taraqqiyotiga daxldorlik ruhida tarbiyalashda muhim ahamiyat kasb etishini ta’kidlashdi.Shuningdek, ishtirokchilar tomonidan millatimizga xos qadriyatlar, oilaviy an’analar va avlodlar davomiyligini ta’minlash borasida fikr almashildi. Mazkur muloqot yoshlarni ajdodlar xotirasiga hurmat ruhida tarbiyalash, jamiyatda o‘zaro mehr-oqibat va hamjihatlik muhitini mustahkamlashga xizmat qildi.

“O‘zkimyosanoat” AJ boshqaruvi raisining birinchi o‘rinbosari Yevgeniy Korjikov va D.I.Mendeleyev nomidagi Rossiya kimyo texnologiyalari universiteti Toshkent shahridagi filialining ilk magistrlari o'rtasida uchrashuv tashkil etildi.  

Uchrashuvda mamlakatimizda yoshlar uchun yaratilayotgan imkoniyatlar, kimyo sanoati tarmog‘ini modernizatsiya qilish jarayonlarida yuqori malakali kadrlarning o‘rni hamda ilm-fan, ishlab chiqarish integratsiyasini kuchaytirish masalalari xususida atroflicha fikr almashildi. 

Shuningdek, yosh mutaxassislarning kelgusidagi mehnat faoliyati, ilmiy izlanishlari, innovatsion g‘oyalari va rejalari muhokama qilindi.

Ochiq va samimiy ruhda o‘tgan muloqotda magistrlar o‘zlarini qiziqtirgan savollarga javob olib, kelgusida kimyo sanoati korxonalarida amalga oshirilayotgan zamonaviy loyihalar yuzasidan fikr bildirishdi.

Tadbir so‘nggida magistrlarga diplomlar tantanali ravishda topshirildi. Yevgeniy Korjikov bitiruvchilarni ushbu muhim va quvonchli voqea bilan samimiy tabriklab, ularning kelgusidagi mehnat va ilmiy faoliyatida ulkan muvaffaqiyatlar tiladi.

Aniqroq aytganda, ular “tirik plastik” yaratib, uni buyruq orqali oʻz-oʻzini yoʻq qilishga dasturlashdi.

Bunday materiallarni yaratish uchun tadqiqotchilar uning tarkibiga faollashtiriladigan mikroorganizmlarni joriy etishdi. Bu mikroorganizmlar uzun polimer zanjirlarini fermentlar yordamida kichik boʻlaklarga parchalay oladi. 

Bacillus subtilis (senna tayoqchasi) bakteriyasini modifikatsiya qilish orqali olimlar bir emas, balki oʻzaro taʼsir qiluvchi ikki xil fermentdan foydalanishga erishdi:

• birinchi — tasodifiy maydalovchi kabi ishlab, uzun polimer zanjirlarini boʻlaklarga boʻladi;
• ikkinchisi — ushbu boʻlaklarni bosqichma-bosqich monomerlargacha parchalaydi.

Modifikatsiya qilingan bakteriyaning uyqudagi sporalari polikaprolakton (PCL) bilan aralashtirildi — bu polimer 3D-bosma, tibbiyot va boshqa sohalarda qoʻllaniladi. Natijada xossalari jihatidan oddiy polikaprolakton plyonkasiga oʻxshash plastik olindi. Uning parchalanish jarayoni 50°C haroratda ozuqa muhiti yordamida faollashtirildi. Bu sporalarni uygʻotib, ular plastikni atigi 6 kunda parchalab, mikroplastik zarrachalarini qoldirmadi.

Olingan materialdan olimlar toʻliq ishlaydigan, taqiladigan plastik elektrod yaratdilar va u ikki hafta davomida toʻliq parchalangan.Kelgusida tadqiqotchilar sporalarni suvda faollashtirish usulini ishlab chiqishni rejalashtirmoqda, chunki plastik chiqindilarning katta qismi aynan suvga tushadi. Shuningdek, ushbu prinsipni boshqa turdagi plastiklarga ham moslashtirish koʻzda tutilmoqda.
 

O‘zbekiston Respublikasi Prezidentining tegishli qaror va farmonlariga muvofiq, joriy yildan boshlab 5-may -  “Kasb va mehnat kuni” sifatida har yili keng nishonlanmoqda.

Ushbu tashabbus jamoatchilik, ayniqsa yoshlar orasida kasblarga qiziqishni oshirish va kasbiy ta’limni ommalashtirishga qaratilgan tadbirlarni izchil amalga oshirishni nazarda tutadi.

Shu munosabat bilan, bugun poytaxtimizdagi "Alpomish" muz saroyida “Kasblar festivali” tashkil etildi. Mazkur tadbirda mahalliy va xorijiy yirik ish beruvchi kompaniyalar, vazirlik va idoralar bilan bir qatorda “O‘zkimyosanoat” AJ ham faol ishtirok etdi.Festival doirasida ishtirokchilarga ishlab chiqarish jarayonlari, zamonaviy texnologiyalar va sohadagi imkoniyatlar haqida batafsil ma’lumotlar taqdim etildi. Yoshlar o‘zlarini qiziqtirgan kasblar bo‘yicha mutaxassislar bilan muloqot qilish, amaliy ko‘nikmalarga ega bo‘lish hamda kelgusi faoliyati uchun muhim tavsiyalar olish imkoniga ega bo‘ldilar.

“O‘zkimyosanoat” AJ tomonidan taqdim etilgan ko‘rgazmalar va mahsulot namunalari ishtirokchilarda katta qiziqish uyg‘otdi. Kompaniya vakillari yoshlarga kimyo sanoatidagi zamonaviy yo‘nalishlar, ish o‘rinlari va rivojlanish istiqbollari haqida ma’lumot berdilar. Ushbu tadbir yoshlarning kasb tanlashida muhim ahamiyat kasb etib, ularning sanoat sohasiga bo‘lgan qiziqishini yanada oshirishga xizmat qildi.

Davra suhbatida mutaxassislar tomonidan xotin-qizlar bilan ishlash tizimini takomillashtirish, ularni har tomonlama qo‘llab-quvvatlashning huquqiy va amaliy mexanizmlari yuzasidan atroflicha ma’lumotlar berildi. Shuningdek, ta’lim muassasalarida shiliqimlik, tazyiq va zo‘ravonlik holatlarining oldini olish, ularga qarshi kurashishning zamonaviy usullari muhokama qilindi.

“O‘zkimyosanoat” AJ boshqaruvi raisi maslahatchisi  Sanobar Abduraxmanova Prezidentimizning PF-33-son Farmoni ijrosini taminlash maqsadida, xotin-qizlar bilan ishlash tizimini takomillashtirish hamda ularni qo‘llab-quvvatlashning huquqiy-amaliy mexanizmlari haqida batafsil ma’lumot berdi.

Tadbir davomida ayniqsa, “Himoya tarmog‘i” orqali murojaat qilish imkoniyatlari va uning afzalliklari haqida tushuntirishlar berildi. Ishtirokchilarga murojaat qilish tartiblari hamda tegishli tashkilotlar bilan bog‘lanish bo‘yicha amaliy tavsiyalar taqdim etildi.

Ochiq muloqot shaklida o‘tgan tadbir talabalarning faol ishtiroki bilan ahamiyatli bo‘lib, ularni qiziqtirgan savollarga javoblar berildi. 

Oʻzbekiston Respublikasi Favqulodda vaziyatlar vazirligining asosiy tadbirlar rejasiga muvofiq, bugun “Ammofos-Maxam” AJ hududida ekologik monitoring ishlari amalga oshirildi.

Mazkur tadbirda Toshkent viloyati Favqulodda vaziyatlar bosh boshqarmasi, viloyat sanitariya-epidemiologik osoyishtalik va jamoat salomatligi xizmati hamda viloyat ekologiya, atrof-muhitni muhofaza qilish va iqlim oʻzgarishlari boshqarmasi mutaxassislari ishtirok etdi.

Monitoring jarayonida atrof-muhit holati, ishlab chiqarish jarayonlarining ekologik talablarga muvofiqligi hamda sanitariya me’yorlariga rioya etilishi o‘rganildi. Mazkur tadbir ekologik xavfsizlikni ta’minlash va yuzaga kelishi mumkin bo‘lgan xavflarning oldini olishga qaratilgan.

“Ammofos-Maxam” AJ Matbuot xizmati

Tashrif davomida xodimlar markaz faoliyati, uning asosiy ekspozisiyalari hamda boy ilmiy-ma’naviy merosni aks ettiruvchi namunalari bilan yaqindan tanishdilar.

Markaz mutaxassislari tomonidan Islom sivilizatsiyasining jahon ilm-fani va madaniyati rivojidagi o‘rni haqida batafsil ma’lumotlar berildi. 

Shuningdek, yurtimizdan yetishib chiqqan buyuk allomalarning ilmiy merosi va ularning insoniyat taraqqiyotiga qo‘shgan hissasi alohida ta’kidlandi.

Tashrif ishtirokchilarda katta taassurot qoldirib, milliy va umuminsoniy qadriyatlarga bo‘lgan hurmatni yanada mustahkamlashga xizmat qildi. 

Korxonada ishlab chiqarish jarayonlariga innovatsion va raqamli yechimlarni joriy etish, yosh mutaxassislarning ilmiy-texnik salohiyatini rivojlantirish maqsadida “Open ChemAI Challenge” xakatonining saralash bosqichi tashkil etildi.

Unda turli bo‘limlardan iqtidorli yoshlar o‘z loyihalari bilan ishtirok etib, yakunda eng munosib jamoa shakllantirildi hamda final bosqichiga yo‘llanma oldi.

“Ammofos-Maxam” AJ Matbuot xizmati