Yangi Zelandiya oʻgʻitlarni qoʻllash uchun sunʼiy intellektdan foydalanadi

Yangi Zelandiyada joylashgan Ballance Agri-Nutrients kompaniyasi SpreadWise nomli yangi raqamli vositani eʼlon qildi. U oʻgʻitlash jarayonini optimallashtirish uchun sunʼiy intellekt va geomaydon xaritalashdan foydalanadi.

Kompaniya maʼlumotlariga koʻra, dastur yaylovlar unumdorligini pasaytirmasdan oʻgʻit sarfini 10 foizga kamaytirishga yordam beradi.

SpreadWise qishloq xoʻjaligi yerlarining batafsil xaritalarini yaratish imkonini beradi. U chorvaning harakati tufayli ozuqa moddalarining taqsimlanishiga tabiiy ravishda taʼsir qiluvchi suv yoʻllari kabi muhim obyektlarga eʼtibor qaratadi. Sunʼiy intellekt yordamida ushbu vosita qoʻshimcha oʻgʻitlash kerak boʻlmagan joylarni aniqlaydi. Kompaniya vakillarining bildirishicha, bu ozuqa moddalarining yanada aniq taqsimlanishini taʼminlaydi.

SpreadWise MyBallance raqamli platformasi bilan ham integratsiyalasha oladi. Bu fermerlarga raqamli xaritalar yordamida oʻgʻitlarni qoʻllashni boshqarish imkonini beradi. Foydalanuvchilar turli hududlarga ozuqa moddalarining turli xil meyorlarini vazifa sifatida berishlari mumkin. Bu ozuqa moddalariing optimal taqsimlanishini taʼminlaydi. 

“Oʻzkimyosanoat” AJ Matbuot xizmati