Xitoy 2027-yil uchun mineral oʻgʻitlar importi kvotalarini belgiladi

Xitoyda mineral oʻgʻitlar importi boʻyicha tarif kvotalari hamda ularni taqsimlash tartibi belgilandi.

Umumiy hisobda Xitoy korxonalari 13,65 mln tonna mineral oʻgʻit import qilishlari mumkin.

Ushbu hajmning

• 3,3 mln tonnasi — karbamid,
• 6,9 mln tonnasi — diammoniyfosfat
• 3,45 mln tonnasi esa kompleks oʻgʻitlar hissasiga toʻgʻri keladi.

Kvotalar quyidagicha taqsimlanadi:
Sinochem Group va China National Agricultural Means of Production Group Corporation davlat kompaniyalari — ularga 2,97 mln tonna karbamid, 3,52 mln tonna DAP va 1,76 mln tonna kompleks oʻgʻitlar importi uchun kvota ajratildi.
Nodavlat korxonalar — ular 330 ming tonna karbamid, 3,38 mln tonna DAP va 1,69 mln tonna kompleks oʻgʻitlarni import qilishlari mumkin.

2027-yil uchun belgilangan kvotalar doirasidagi mineral oʻgʻitlar hajmi 2026-yilda belgilangan umumiy miqdorga teng.