“Oʻzkimyosanoat” AJda ekologiya va atrof muhitni muhofaza qilish boʻyicha soʻnggi yillarda amalga oshirilgan ishlar

Tarmoq korxonalarida atmosfera havosi, suv va yer resurslarini muhofaza qilish, chiqindi bilan ishlash, o'simliklar dunyosini muhofaza qilish bo'yicha jami 144 ta chora-tadbir o'tkazildi. 

2023-yil yanvar-avgust oylarida atrof muhitni muhofaza qilish va sanoat xavfsizligi yoʻnalishida amalga oshirilgan chora-tadbirlar natijasida:

Atmosferaga 18884,606 tonna tashlanmalar kamayishiga, jumladan, 1043,66 tonna toksik tashlamalar, 6 mln m3 suv tashlanmalari kamayishiga erishildi; 13000 ming m3 artezian suvlari hamda 2,77 ming m3 ichimlik suvlari iqtisod qilindi; 718,1 gektar yer texnik rekultivatsiya qilindi; 11 765,07 tonna chiqindi utilizatsiyaga topshirildi; 117170 tup  koʻchat va 175 536 dona gullar ekildi; 1400 tup daraxtga zararkunandalarga qarshi ishlov berildi;

“Oʻzkimyosanoat” AJ tarmoq korxonalari va unga tutash hududlarda 360 800 kv.metr maydonlar tozalandi; 125,450 km masofadagi muhandislik-kommunikatsiya tarmoqlari, jumladan, yoʻllar, velosiped va piyodalar yoʻlaklari, energetika taʼminoti obyektlari taʼmirlandi va tozalandi; 241 722 kv.metr maydondagi transport infratuzilmasi obyektlari tozalandi; 480 850 kv.metr maydondagi avtomobil yoʻli va temiryoʻl boʻylari begona oʻtlardan tozalandi va obodonlashtirildi; 34 947 kv.metr maydondagi irrigatsiya va melioratsiya obyektlari tozalandi va tartibga keltirildi; tarmoq korxonalari hududlaridagi va unga tutash hududlaridagi 78 311 dona daraxtlar parvarishlandi, oqlandi va ularga tegishli shakllar berildi.