“Oʻzkimyosanoat” AJ Ochiqlik indeksi-2024 reytingida “yashil” koʻrsatkichni qayd etdi

Korrupsiyaga qarshi kurashish agentligi tomonidan davlat idoralari oʻrtasida 2024-yil uchun ochiqlik indeksi natijalari eʼlon qilindi. 

O‘zbekiston Respublikasi Prezidentining PF-154-son Farmoniga muvofiq, 2024-yil yakunlariga ko‘ra davlat organlari va tashkilotlarida ochiqlik bo‘yicha amalga oshirilgan ishlarning samaradorligi va natijadorligini baholashga qaratilgan Ochiqlik indeksi asosida to‘plangan barcha ko‘rsatkichlar e'lon qilindi.

Maʼlumot o‘rnida: Indeks 84 ta baholash mezonidan tarkib topgan 8 ta indikator asosida shakllantirilib kelinmoqda. Bu yilgi baholashda jami 98 ta ta respublika ijro etuvchi hokimiyat organlari – vazirlik, qo‘mita, agentlik, inspeksiyalar va mahalliy davlat hokimiyati organlari faoliyati qamrab olindi.

Baholash natijalariga ko‘ra, 50 ta davlat organi “yashil” (2023-yilda 31 ta), 35 tasi “sariq” (43 ta) va 13 tasi “qizil” (29 ta) samaradorlik ko‘rsatkichlarini qayd etdi.

Indeks natijalariga koʻra, “Oʻzkimyosanoat” AJ 73,7 ball bilan “yashil” koʻrsatkichni qayd etdi.

“Oʻzkimyosanoat” AJ Matbuot xizmati