“Mustaqillik kubogi”: voleybol musobaqasi gʻoliblari aniqlandi

O‘zbekiston Respublikasi davlat mustaqilligining 35 yilligi munosabati bilan “O‘zkimyosanoat” AJ tizimidagi korxonalar xodimlari o‘rtasida tashkil etilayotgan “Mustaqillik kubogi” sport musobaqalari qizg‘in davom etmoqda.

Bugun musobaqa doirasida erkaklar o‘rtasidagi voleybol bahslari o‘z yakuniga yetdi. Unda tarmoq korxonalaridan shakllantirilgan 8 ta jamoa g‘oliblik uchun o‘zaro kuch sinashdi.

Musobaqaning asosiy maqsadi — xodimlar o‘rtasida sog‘lom turmush tarzini keng targ‘ib qilish, sportga qiziqishni oshirish, jamoaviy ruh va hamjihatlikni mustahkamlash, shuningdek, do‘stona munosabatlarni rivojlantirish.

 Musobaqa yakunlari:

• 1-o‘rin — “Qizilqum fosforit kompleksi” MChJ jamoasi
• 2-o‘rin — “Dehqonobod kaliy zavodi” AJ jamoasi
• 3-o‘rin — “Maxam-Chirchiq” AJ jamoasi

G‘olib jamoalarni muborakbod etib, kelgusi musobaqalarda ham yuqori natijalar tilaymiz!