Korrupsiyaviy harakatlarni bartaraf etish yuzasidan amaliy choralar koʻrilmoqda

Bugungi kunda “Oʻzkimyosanoat” AJ va uning tarmoq korxonalarida ishlab chiqarilayotgan mineral oʻgʻitlarni mamlakatimizning barcha hududlaridagi isteʼmolchilarga qisqa vaqtlarda, mavsumiy zaruratga koʻra, tezkorlik bilan yetkazib berish maqsadida joylarda vakolatli omborlar tashkil etilgan.

Jamiyatning Korrupsiyaga qarshi kurashish va komplayens boshqarmasi xodimlari 25-31-iyul kunlari bevosita joylarga chiqib, tarmoq korxonalarida ishlab chiqarilayotgan mineral oʻgʻitlarning asosiy isteʼmolchilari boʻlgan fermer xoʻjaliklari, shuningdek vakolatli omborlar rahbarlari bilan uchrashuvlar oʻtkazdi. 

Xususan,  Jizzax va Xorazm viloyatlarida sohada yuzaga kelishi mumkin boʻlgan korrupsiyaviy harakatlar va uni bartaraf etish yoʻllari yuzasidan suhbatlar olib borildi.

Shu bilan birga tarmoq korxonalari, joylardagi vakolatli omborlar hamda fermer xoʻjaliklari oʻrtasida yuzaga kelgan qarzdorlikni undirish maqsadida korxonalar, vakolatli omborlar va fermer xoʻjaliklari oʻrtasida 3 tomonlama shartnoma tuzish boʻyicha amaliy ishlar olib borildi.

 “Oʻzkimyosanoat” AJ Matbuot xizmati