“Ангрен эркин индустриал зонаси ҳудудида резина маҳсулотлари заводи қурилишини ташкил этиш” лойиҳаси

Лойиҳани асоси: Лойиҳа Ўзбекистон Республикаси Президентининг 2014 йил 4 декабрдаги «Ангрен эркин иқтисодий саноат ҳудудида резинотехника махсулотларни ишлаб чиқариш заводини қуришни ташкил этиш чора-тадбирлари тўғрисида» ПҚ-2269 сонли ва 2015 йил 28 августдаги «Ангрен МИЗ ҳудудида конвейер ленталар, қишлоқ хўжалиги ва автомобил шиналари ишлаб чиқаришни ташкил этиш бўйича инвестиция лойихасини амалга ошириш тўғрисида» ги ПҚ-2397 сонли қарорларига мувофиқ амалга оширилди.

Лойиҳанинг мақсади: Мамлакатимизда қишлоқ хўжалиги ва автомобиль шиналари, конвейер ленталари ишлаб чиқарилишини ташкил этиш ва шунинг асосида республиканинг юқори технологияли саноат корхоналарини рақобатбардош маҳсулотлар билан таъминлаш ишлаб чиқаришини барпо этиш.

Лойиҳани қуввати: 100 минг погон метр конвейер ленталари, 200 минг дона қишлоқ хўжалиги шиналари ва 3 000 минг дона автомобиль шиналари ишлаб чиқариш.

Лойиҳани амалга оширишдан эришилган натижалар: Лойиҳани амалга ошириш натижасида 30,4 млн. долл. миқдоридаги шундан – 3,0 млн. долл. экспортга ва импорт ўрнини босувчи 27,4 млн. долл. маҳсулот ишлаб чиқарилади.  Жамиятда ишлаб чиқарилаётган автомобиль шиналари (ўртача нархи - 25 долл. экв.) сифат кўрсаткичлари бўйича Корея Республикасидан импорт қилинаётган маҳсулотлар (ўртача нархи – 40-45 долл. экв.) билан бир хил даражада бўлиб нарх жиҳатидан уларга нисбатан арзон ҳамда Хитой мамлакатидан импорт қилинаётган сифат даражаси паст бўлган маҳсулотлар билан бир хил нархда реализация қилинмоқда.

Яратиладиган янги иш ўрни – 1100 та.

Лойиҳа қиймати: 214 млн. долл.

Молиялаштириш манбалари: Хитойнинг Эксимбанки кредити – 156,37 млн. долл., таъсисчиларнинг ўз маблағлари – 30,0 млн. долл., Тикланиш ва тараққиёт жамғармаси кредити – 27,6 млн. долл.

Бугунги кундаги хорижий валютадаги қарздорлик миқдори: 145,6 млн. долл.

Лойиҳа ишга туширилган сана: 2018 йил август.

Жойлаштириш жойи: Тошкент вилояти, Ангрен шаҳри

Бош пудратчи: Хитойнинг “Poly Technologies Inc.” компанияси.