“Ўзкимёсаноат” АЖда экология ва атроф муҳитни муҳофаза қилиш бўйича сўнгги йилларда амалга оширилган ишлар

Тармоқ корхоналарида атмосфера ҳавоси, сув ва ер ресурсларини муҳофаза қилиш, чиқинди билан ишлаш, ўсимликлар дунёсини муҳофаза қилиш бўйича жами 144 та чора-тадбир ўтказилди.

2023-йил январ-август ойларида атроф муҳитни муҳофаза қилиш ва саноат хавфсизлиги йўналишида амалга оширилган чора-тадбирлар натижасида:

Атмосферага 18884,606 тонна ташланмалар камайишига, жумладан, 1043,66 тонна токсик ташламалар, 6 млн м3 сув ташланмалари камайишига эришилди; 13000 минг м3 артезиан сувлари ҳамда 2,77 минг м3 ичимлик сувлари иқтисод қилинди; 718,1 гектар ер техник рекултивация қилинди; 11 765,07 тонна чиқинди утилизацияга топширилди; 117170 туп кўчат ва 175 536 дона гуллар экилди; 1400 туп дарахтга зараркунандаларга қарши ишлов берилди;

“Ўзкимёсаноат” АЖ тармоқ корхоналари ва унга туташ ҳудудларда 360 800 кв.метр майдонлар тозаланди; 125,450 км масофадаги муҳандислик-коммуникация тармоқлари, жумладан, йўллар, велосипед ва пиёдалар йўлаклари, энергетика таъминоти обектлари таъмирланди ва тозаланди;  241 722 кв.метр майдондаги транспорт инфратузилмаси обектлари тозаланди; 480 850 кв.метр майдондаги автомобил йўли ва темирйўл бўйлари бегона ўтлардан тозаланди ва ободонлаштирилди; 34 947 кв.метр майдондаги ирригация ва мелиорация объектлари тозаланди ва тартибга келтирилди; тармоқ корхоналари ҳудудларидаги ва унга туташ ҳудудларидаги 78 311 дона дарахтлар парваришланди, оқланди ва уларга тегишли шакллар берилди.