Коррупцияга қарши курашиш самарадорлигини ошириш бўйича қонун қабул қилинди
https://uzkimyosanoat.uz/uz/press/news/korrupciyaga-qarshi-kurashish-samaradorligini-oshirish-buyic
Ўзбекистон Республикаси Президенти томонидан 2026-йил 22-июнда “Ўзбекистон Республикасининг айрим қонун ҳужжатларига коррупсияга қарши курашиш самарадорлигини оширишга, коррупсияга оид жиноятлар учун жавобгарлик муқаррарлигини таъминлашга қаратилган қўшимча ва ўзгартиришлар киритиш тўғрисида”ги ЎРҚ–1155-сон Қонун имзоланди.
Мазкур Қонун билан:
◾️ коррупцияга оид жиноятларни содир этган шахсларнинг электрон реестри юритилиши;
◾️ “коррупцияга оид жиноятлар” тушунчаси қонунчиликда аниқ белгиланиши;
◾️ давлат органларида комплаенс ва коррупцияга қарши ички назорат тизимлари жорий этилиши;
◾️ комплаенс бўлинмалари фаолиятининг мустақиллиги ва ходимлар хавфсизлиги кафолатланиши;
◾️ айрим коррупцион жиноятлар учун муддатидан илгари озод қилиш ва жазони енгиллаштириш имкониятлари чекланиши;
◾️ коррупциявий хавф-хатарлар харитасини шакллантириш тизими йўлга қўйилиши каби муҳим нормалар белгиланди.
Қонун коррупцияга қарши курашишнинг ягона ва тизимли механизмини шакллантириш, давлат органлари фаолиятининг очиқлиги ва ҳисобдорлигини кучайтиришга хизмат қилади.