Инсон сочидан ҳам юпқа плёнка электромагнит тўлқинларнинг 99,9999999 фоиздан ортиғини тўсиб қолади
https://uzkimyosanoat.uz/uz/press/news/inson-sochidan-ham-yupqa-plyonka-elektromagnit-tulqinlarning
Жанубий Корея олимлари қалинлиги атиги 17,5 микрометр бўлган эгилувчан композит плёнкани ишлаб чиқди. Бу инсон сочидан бир неча баробар юпқа бўлиб, материал тадқиқ қилинган диапазонлардаги электромагнит нурланишнинг 99,9999999 фоиздан ортиғини тўсиб қолиш билан бирга, сатхнинг иссиқлик инфрақизил нурланишини ҳам камайтиради.
KIMS ва KIST мутахассислари томонидан яратилган плёнка углерод нанонайчалари ва икки ўлчамли MXene материали асосида тайёрланган. Плёнка 9236 С/см электр ўтказувчанлик ва 1,02 GPa гача бўлган узилишдаги мустаҳкамлик кўрсаткичларини намоён этган. Шунингдек, у юқори ҳарорат, намлик ва кўп марта деформация таъсирида ҳам ўз хусусиятларини сақлаб қолган.
Технологиядан аерокосмик техникада, электроникани электромагнит таъсирлардан ҳимоя қилишда, 5G ва 6G тизимларида, олиб юриладиган электроника ҳамда ихчам қурилмаларда фойдаланиш мумкин. Айни пайтда технология лаборатория синовлари босқичида бўлиб, уни реал йирик тизимларда қўллаш учун қўшимча тадқиқотлар ва синовлар талаб этилади.