“Oʻzkimyosanoat” AJda sunʼiy intellekt boʻyicha seminar-trening tashkil etildi

Davlatimiz rahbari raisligida 2025-yil 21-oktabr kuni davlat boshqaruvi, iqtisodiyot tarmoqlari va hududlarda sunʼiy intellekt texnologiyalarini jadal joriy etish masalalariga bagʻishlangan yigʻilishda belgilangan vazifalar ijrosi doirasida “Oʻzkimyosanoat” AJda boʻlimlar rahbarlari va xodimlari uchun sunʼiy intellekt texnologiyalari boʻyicha 14-15-may kunlari seminar-trening oʻtkazildi.

Seminar davomida ishtirokchilarga sunʼiy intellekt imkoniyatlaridan samarali foydalanish boʻyicha amaliy va interaktiv taqdimotlar namoyish etildi.

Xususan:

• ish jarayonlarini avtomatlashtirish va shaxsiy samaradorlikni oshirish;
• hujjatlar aylanishini raqamlashtirish va avtomatlashtirish;
• aniq statistika va maʼlumotlar bilan ishlash;
• vizualizatsiya va tahlil;
• prognozlash va tekshirish jarayonlarida AI yechimlarini qoʻllash kabi yoʻnalishlarda tushunchalar berildi.

Tadbirdan koʻzlangan asosiy maqsad — xodimlarni zamonaviy raqamli texnologiyalar bilan tanishtirish, ish jarayonlariga innovatsion yondashuvlarni keng joriy etish hamda korporativ samaradorlikni oshirishdan iborat.

“Oʻzkimyosanoat” AJda sunʼiy intellekt — kelajak texnologiyasi emas, balki bugungi samarali va innovatsion ish jarayonlarining muhim qismiga aylanmoqda.