Ichki bozorda mineral oʻgʻitlar taʼminoti: 2026-yilning birinchi choragi yakunlari

2026-yilning yanvar–mart oylari davomida respublika ichki bozorida mineral oʻgʻitlar savdosi barqaror oʻsish surʼatlarini namoyon etdi. Birja savdolari orqali jami sof holda 239,1 ming tonna mineral oʻgʻitlar sotilib, qishloq xoʻjaligi ishlab chiqaruvchilarining talabini taʼminlashga xizmat qildi. Sotilgan oʻgʻitlar tarkibiga nazar tashlaydigan boʻlsak, asosiy ulushni azotli oʻgʻitlar tashkil etib, ular 190,7 ming tonnaga yetdi. Shuningdek, fosforli oʻgʻitlar hajmi 25,6 ming tonna, kaliyli oʻgʻitlar esa 22,8 ming tonnani tashkil qildi. Bu koʻrsatkichlar mamlakatda ekin maydonlarini oziqlantirish va hosildorlikni oshirish borasidagi ishlar izchil davom etayotganini koʻrsatadi.

2026-yil 1-aprel holatiga koʻra, mineral oʻgʻitlar zaxiralari ham yetarli darajada shakllantirilgan. Jumladan, korxonalarning texnologik hamda hududlardagi ijara omborlarida jami 136,7 ming tonna oʻgʻit mavjud. Ularning 96,5 ming tonnasi azotli, 14,9 ming tonnasi fosforli va 25,2 ming tonnasi kaliyli oʻgʻitlardan iborat.

Mavjud zaxiralar bahorgi dala ishlarini uzluksiz olib borish, fermer va dehqon xoʻjaliklarini oʻz vaqtida mineral oʻgʻitlar bilan taʼminlash imkonini beradi. Shu bilan birga, birja savdolari orqali ochiq va shaffof taqsimot mexanizmining yoʻlga qoʻyilgani bozor barqarorligini taʼminlashda muhim omil boʻlib xizmat qilmoqda. Kelgusi oylarda ham mineral oʻgʻitlar ishlab chiqarish va yetkazib berish hajmlarini oshirish, zaxiralarni muntazam toʻldirib borish boʻyicha tegishli chora-tadbirlar amalga oshirilmoqda. Bu esa qishloq xoʻjaligida yuqori hosildorlikka erishish va oziq-ovqat xavfsizligini taʼminlashda muhim ahamiyat kasb etadi.