“Boshqaruv raisi kubogi” musobaqalari boʻlib oʻtdi

Oʻzbekiston Respublikasi Mustaqilligining 33 yillik bayrami munosabati bilan hamda yoshlar oʻrtasida sogʻlom turmush tarzini targʻib qilish va ularni ommaviy sport turlariga qiziqishini kuchaytirish maqsadida “Boshqaruv raisi kubogi” musobaqalari bo'lib o'tdi.

Musobaqalar D.I.Mendeleyev nomidagi Rossiya kimyo texnologiyalari universiteti Toshkent shahri filialining sport maydonlarida boʻlib oʻtdi. 

Qizgʻin bahslarga boy oʻtgan musobaqa bugun oʻz nihoyasiga yetdi va natijalar quyidagicha boʻldi:

Erkaklar oʻrtasida mini-futbol boʻyicha:

1-oʻrin – “Maxam-Chirchiq” AJ 
2-oʻrin – “Fargʻonaazot” AJ 
3-oʻrin – “Qizilqum fosforit kompleksi” MCHJ; 

Ayollar oʻrtasida voleybol boʻyicha:

1-oʻrin - “Maxam-Chirchiq” AJ 
2-oʻrin  - “Qizilqum fosforit kompleksi” AJ 
3-oʻrin – “Dehqonobod kaliy jamoasi” AJ jamoalariga nasib etdi. 

Tantanali taqdirlash marosimida “Oʻzkimyosanoat” AJ boshqaruvi raisi o‘rinbosari Akobir To‘xtayev  “Maxam-Chirchiq” AJ jamoasiga “Boshqaruv raisi kubogi”ni  topshirdi. Shuningdek, sovrindorlarga pul mukofotlari taqdim etildi.

“Oʻzkimyosanoat” AJ Matbuot xizmati